Hafiz Məmmədov hələ ilyarım öncə bi

Hafiz Məmmədov hələ ilyarım öncə bildirmişdi ki, «Bakı»nın akademiyası xarici təcrübədən yararlanacaq. Klub prezidenti «Land of fire Azərbaycan» brendi daşıyan «Atletiko» və «Lans»ın mütəxəssislərini ümumi işin inkişafı naminə Azərbaycana gətirəcəyini demişdi. Düzdü, gəldilər. O da yalnız ispanlar. Madrid təmsilçisinin məşqçiləri xüsusi qruplar şəklində səfər etdilər və istər «Bakı»nın, istərsə də digər komandaların aşağı yaş qruplarının oyunlarını izlədi. Seleksiya prosesi 2 ay sürdü, davamı olmadı.


Razılaşma beləydi ki, ispan mütəxəssislər «Bakı»nın akademiyasına nəzarəti öz əlində cəmləşdirəcək. «Atletiko»nun İdarə Heyətinin sədri Anhel Gil Marinə yaxınlığı ilə bilinən idarəçilər akademiyanın fəaliyyəti, sənədləriylə tanış oldu. Təhvil-təslim başa çatdı, yerdəyişmə başa çatmadı. Prineylilər iş başına keçəcəyi təqdirdə, «Lans»ın məşqçilərə də korpusda təmsil olunacaqdı. Hər halda fransızlar yeni rəhbərlikdə bərabər çalışmağa müsbət yanaşmışdı.


Bağlanacaq müqavilə üzrə akademiyanın ümumi büdcəsi artmalıydı. Bunun üçün Hafiz Məmmədov ayrıca vəsait ayrılmalıydı. Qısaca deyək ki, ispan və fransız mütəxəssis ölkələrində qazandıqlarından 3-4 dəfə artıq məvacib alacaqdı. Nə oldu, pişik asqırdı? Yüksel Kepoğlunun olduğu yerdə pişiyə ehtiyac yoxdu, əlbəttə! Gündə 5 dəfə namaz qılıb, ildə 30 gün orcu tutan, sonra da bir halda yol polisinin «qəzəbinə tuş gələn» türkiyəli yenə bir vasitəylə onların təyinatını əngəlləyib. Təkbaşına yox, təbii.


O, akademiyanı adını çəkmək istəmədiyimiz bir rəsmiylə bərabər ələ alıb. 5 ildən artıqdı buranın hər işi cütlüyün bığının altından keçir. Bu illərdə nə olub, nə olmayıbsa, bir özlərinə, bir də Allaha məlumdu. Hafiz Məmmədova, inanmırıq ki, məlumatlar dürüst çatdırılsın. Xəbəri var, amma çox az. Əgər Nazim Süleymanov 3 ay öncə klubun uşaq məktəbinə direktor təyin olunmağa razılıq versəydi, çox müəmmalı məsələlərin üstü açılacaqdı. Ancaq ondan əvvəl «Neftçi»nin sükanı arxasından istefa verən Azərbaycanın ən güclü veteran futbolçusu «Bakı»ya bu cür təkrar dönüşü qəbul etmədi. Baxmayaraq ki, Məmmədov şəxsən onun təyinatında israrçi mövqe tutmuşdu.


Süleymanovun qayıdışı Kepoğlunun burdan birdəfəlik ayrılmasına səbəb olacaqdı. Axı 5 il öncə Nazim bəyin «torba»sını məhz o tikmişdi. AFFA-nın təşkil etdiyi PRO kateqoriyalı kurslarda bu haqda gedən söhbətdən biz də xəbərdarıq. Hansı ki, Elxan Məmmədov klub idarəçiliyi ilə bağlı fikirlərini söyləyərkən, Süleymanov hamının gözünün qabağında Kepoğlunun ovaxtkı hərəkətlərini ifşa eləmişdi.


Bugünkü vəziyyətə gəlincə, «Bakı»nın maliyyə durumunun hələ tam stabillik qazanmaması dəyişikləri qeyri-müəyyən müddətə ertələyib. Fürsəti qaçırmayan türkiyəli «as futbol biliciləri» artıq akademiya ilə yanaşı, əsas komanda üzərində hakimiyyəti ələ alıb. İbrahim Uzuncanı baş məşqçi qoyduran Kepoğlu indi «Atletiko» və «Lans»ın mütəxəssislərinin Azərbaycanda peyda olmasını heç yuxusunda da görmür. Çox rahatlaşıb. Hafiz Məmmədovla qardaşı Zeynal Məmmədovla münasibətləri soyudan Yüksl bəy, deyəsən, azərbaycanlıların məşhur «ətlə dırnağın arasına girən iylənib çıxar» məsəlini qulaqardına vurub.

- See more at: http://sportinfo.az/news-19649#sthash.IfsfGJWO.dpuf