Bildiyiniz kimi, Hafiz Məmmədovun s

Bildiyiniz kimi, Hafiz Məmmədovun sahibi olduğu "Lans" Fransa çempionatında 2-cioyununa çıxıb. "Land of Fire Azerbaijan" formalı komanda doğma meydanda “Genqam”ı qəbul edib. Əsas vaxt qolsuz bərabərliklə başa çatıb, hakimin əlavə etdiyi sonuncü - 4-cü dəqiqədə qonaqlar Doniamanın qoluyla qalib gəlib. Liqa 1-in debütantı ilk turda "Nant"a da eyni hesabla uduzmuşdu. İki turdan sonra aktivinə xal yaza bilməyən "qırmızı-sarılar" turnir cədvəlinin 18-ci pilləsində qərarlaşıb. Şimallılar "Monako" və "Evian"ı top fərqinə də üstələyir.




Aydındı ki, "Lans" yeni mövsümə istənilən səviyyədə hazırlaşmayıb. Daha doğrusu, hazırlaşa bilməyib. Büdcə məsələsindəki çatışmazlıqlar üzündən çempionatda iştirakı yalnız son günlərdə dəqiqlik qazanan komanda transfer bazarında sükuta qapılıb. Liqa 2-dən qalma heyəti demək olar gücləndirməyən Antan Kombuare bu səviyyədə oynamağa təcrübəsi çatmayan gənclərin və "qatarı artıq getmiş" yaşlıların ümidinə qalıb. Baş məşqçinin saytımızda gedən son açıqlamaları vəziyyəti düzgün analiz etməsini göstərir.





Fransanın ən tanınmış mütəxəssislərindən biri kimi etiraf edib ki, uğursuz startdan sonra kollektivi özünə gətirmək çətin, ancaq mümkündü. O, bunun üçün transfer siyasətinə yenidən baxmağın vacibliyini, bununla da, mövcud boşluqları aradan qaldırmağın gərəkliyini vurğulayıb. "Lans"ın qarşısına qoyulan vəzifə elitada qalmaqdı. Dövrələrarası fasiləyədək yığılan xal ehtiyatı növbəti ildə uğurlu çıxışın bazasını təşkil etməlidi. Çünki əsas yeniliklər bu ərəfədə gerçəkləşdiriləcək. İmkan daxilində xal toplanmalıdı ki, komanda təhlükəli zonadan uzaqlaşsın. T





ələb olunmur ki, debüt sezonunda avrokuboklara vəsiqə qazanılsın. Bu, yada da düşmür. İstənilən, sadəcə, budu ki, "Lans" azarkeşlərini üzməsin və ilk "10-luğ"a doğru irəliləsin. Ötən yazılarımızın birində xəbər etmişdik ki, Odu ki, Hafiz Məmmədov transfer siyasətini gücləndiməyi yanvardan sonraya saxlayıb. Kombuare sərəncamında hansı futbolçuları görmək istədiyini ona Martel vasitəsilə çatdırıb. Klubun sahibi baş məşqçinin siyahısı ilə tanış olub və gördüyü adlardan da güclü oyunçular alacağını bildirib. Ünlü maqnat dünya çempionatında bəyəndiyi bir neçə istedadlı gəncin və ulduzun üzərində dayanıb. Onun siyahısında Kosta-Rika, Əlcəzair, İsevçrə, Kolumbiya, Argentina və Fransa yığmasının üzvləri yer alıb.





Sportinfo.az-ın məlumatına görə, H.Məmmədov son oyundakı məğlubiyyətindən üzülüb. Yaxın vaxtlarda klub sahibinin təcili toplantı keçirməsi gözlənilir. Bəlkə də Fransada, bəlkə də Bakının özündə. İclasda komandanın mövcud vəziyyəti və bundan çıxış yolları müzakirə olunacaq. Baş məşqçiyə əlavə səlahiyyətlərin verilməsi gündəmə gələ bilər. Bu da realdı ki, klubun idarəçiliyində müəyyən islahatlar aparılsın. Hər halda Jerve Martel iki məğlubiyyətə görə cavab verməlidi. "Land of Fire Azerbaijan" formalı "Atletiko"dan 2, həmçinin aparıcı Fransa klublarından 3-4 futbolçunun icarəyə götürüməsi istisna olunmur. Əlbəttə, toplantıdan başqa qərarlar da çıxa bilər. Görək baş məşqçi daha nə istəyəcək!
- See more at: http://sportinfo.az/news-19166#sthash.KbGUZfgX.dpuf