"Lans"la bağlı ən son xəbər…. Artıq

"Lans"la bağlı ən son xəbər…. Artıq bunun o yan-bu yanı yox… Dəqiq və birmənalı…"Land of fire Azerbaijan" formalı komanda maliyyə böhranından qurtuldu. Artıq Sportinfo.az-da bunu təsdiqləyən informasiya var!

Hafiz Məmmədov ölkəmizin dünya arenasında tanınması üçün himayəsinə götürdüyü klubu yenə çıxılmaz qurtarıb. O, bu gün "Lans"ın hesabına 4 milyon avro köçürülməsinə dair sənədə qol çəkib.


Yaxınlarda Fransada olan və Jerve Martellə görüşən tanınmış iş adamiı, bununla da verdiyi sözün arxasında dayanıb. Şübhəsiz, buna görədi ki, klubun prezidenti "Canal+"a son açıqlamasında "hər şey qaydasındadı" deyib.


Aldığımız ən son məlumata görə, həmin məbləğ komandanın borclarına ödəniləcək. 3 ay sonra isə 14 milyon vəsait ayrılacaq. O da yanvaradək hesaba köçürüləcək. Dünən və bu gün baş verən yeniliklər deməyə əsas verir ki, Hafiz Məmmədov "Lans"ın Azərbaycana xidmət etməsində maraqlıdı və bu siyasətdən imtina etmək fikri yoxdu.


Fransalı həmkarlarımız bu xəbərlə bağlı Marteli, klubun digər rəsmilərini danışdıra bilər. Çünki onlar da informasiyanın doğruluğunu təsdiqləyəcək. Sözügedən məbləğ sabah, uzağı, sentyabrın 22-də "Lans"ın bank hesabında olacaq.

- See more at: http://sportinfo.az/news-22293#sthash.fMvAJKtN.dpuf