“Baghlan Group” Holdinqinin prezide

“Baghlan Group” Holdinqinin prezidenti, “Lans”ın səhmlərinin üçdə ikisinin mülkiyyətçisi Hafiz Məmmədovun dünən verdiyi bəyanat aydın səmada şimşək effekti verdi. Çünki son günlər Fransa KİV-ləri “Lans” prezidenti Jerve Martel, H.Məmmədov və Anar Məmmədova bağlı “Point to Point” offşor şirkəti arasında bağlanmış müqavilədən yazır.


Bildirilir ki, bu müqaviləyə əsasən, H.Məmmədovun əvəzindən “Lans”a 2.5 milyon avronu A.Məmmədov ödəyib. Əgər həmin məbləğ qaytarılmasa klubun səhmləri A.Məmmədovun mülkiyyətinə keçəcək. Ancaq daha sonra Fransa mənbələrində belə məlumat yayıldı ki, H.Məmmədov həmin müqaviləyə imza atmadığını, oradakı imzanın saxta olduğunu bildirir.


Bəyanatda deyilir: “Son günlər Fransa, ardınca bəzi Azərbaycan KİV-lərində mənim majoritar səhmdarı olduğum “Lans”ın maliyyə problemlərinə dair bəzi məlumatlar yayılmaqdadı. Bu KİV-lər xəbər verir ki, klubun büdcəsinin formalaşdırılması və oyunçu transferi üçün 2.5 milyon avronu mənim adımdan borc qismində başqa investor köçürüb.


İddia olunur ki, əgər mən həmin borcu qaytarmasam yanvarın 1-dən etibarən klubun sahibi həmin investor olacaq. Rəsmən bəyan edirəm ki, mənimlə həmin investor arasında “Lans”ın büdcəsinə 2.5 milyon avro vəsaitin köçürülməsinə dair heç bir razılaşma mövcud deyil. Mən bu cür müqavilə imzalamamışam və klubun səhmlərinin mənim mülkiyyətimdə olan hissəsinin başqa investorun mülkiyyətinə keçməsini nəzərdə tutan heç bir qanuni razılaşma mövcud deyil”.


Hafiz Məmmədovun kursu artıq aydındı. O, öz istiqamətinə sadiqdi. «Lans»ı nə satacaq, nə də hədiyyə edəcək. Liqa 1 klubu son ilyarımda olduğu kimi, onun kurasiyasında qalacaq. Ortada hansı idliaçının, iştah dişini qıcayanların, saman altından su yeritmək istəyənlərin uzun «quyruq» yaratmasına baxmayaraq. Biz aylar, həftələr, günclər öncə nə xəbər vermişdik? Tanınmış iş adamının Fransa futboluna sərmayə yatırmaq ənənəsindən imtina etməyəcəyini dönə-dönə vurğulamışıq. Məmmədovun bəyanatı yazdıqlarımızın rəsmi təsdiqi deyil yalnız. Həmçinin proseslərin qələm verildiyi, əksər mətbuat orqanlarına sızdırılan kimi olmamasına faktdı.


A.Məmmədovun «Lans»a 2,5 milyon ödəməsi, ardından «Bakı»nın Biləcəridəki bazasının boşaldılmasına göstəriş verməsi barədə məlumatlar «Bank of Azerbaijan» üzərindəndi. Audit yoxlamaları H.Məmmədovun bank əməliyyatlarını dondursa da, yekun nəticə ondan yanadı. Kimin nə əskiyi tapılıbsa, indi o da ziyanı ödəmək məcburiyyətindədi. Götürmüsən, zəhmət çək, yerinə qoy. «Lans»ın qarantiyaçısı qismində «Bank of Azerbaijan» çıxış etdiyindən, tutalım ki, Məmmədqulu pul verir, bu, H.Məmmədovun klubla bağlantısının kəsilməsinə səbəb və ya vasitə ola bilməz.


Bank yoxlamaları sözügedən maqnatın ciddi əyər-əskiklərini aşkarlasaydı, yəqin ki, dünənki bəyanat mətbuata sızmazdı. Bir neçə ay öncə bankı yenidən kurasiyasına qaytaran, mərkəzi və əsas filialların fəaliyyətinə düzən verən, kreditor borcları hissə-hissə geri qaytaran iş adamının «sudan quru çıxmasını» nə biz iddia edək, nə də bir qeyrisi. Bank sektoru ciddi nəzarət olunan və ehtiyat tələb edən sahədi. Hafiz Məmmədov nəinki «Lans», heç bir biznes obyekti üzərindən «oyun» oynamaz.


Nə qədər əliaçıqdısa belə, bir elə ehtiyatını gözləyəndi. «Lans»ın sahibliyini aktivində saxladığı kimi, Biləcəridəki bazaları da buldozerin ağzına verdirməyəcək. Kimin nə həddi var ki, cənab prezidentin açılışını etdiyi böyük infrastrukturu yerlə-yeksan etsin? Yarana biləcək rezonansın miqyasını təsəvvürə gətirməyin özü çətindi. Dövlət başçısının qayğısı ilə paytaxtın ən böyük futbol mərkəzinə çevrilən ərazidə klubun fəaliyyətinə xitam verilməsi Azərbaycanın beynəlxalq arenada reputasiyasına mənfi zərbə vurar. Avropalı ağzıgöyçəklərin, erməni lobbisinin ağzını yummaqmı olar? Nə var, nə var, bir ərköyün uşaq şəxsi zəmində prinsip aparır. Dərəbəylik zamanı ilə çoxdan vidalaşmışıq.


Bəyanatın ən əsas və «doquzluğ»a vurulan hissəində deyilir: “Mənim şirkətimin müflis olduğu haqda bütün deyilənlər tamamilə əsassızdı, uydurmadı. Söhbət ancaq pul vəsaitlərinin likvidliyinin çatışmazlığından gedir və bunun nəticəsində bir sıra layihələr üzrə maliyyə ödənişləri mənim tərəfimdən gecikdirilib. Bu isə öz növbəsində bir neçə il ərzində iri biznes layihələrinə yatırımlarla əlaqəlidi. Gözlənilməz vəziyyətlərdən irəli gələn mürəkkəbliklər var, ancaq heç bir defoltdan və müflis olmaqdan söhbət gedə bilməz.


Bizim “Lans”ı maliyyələşdirmək üçün böyük imkanlarımız var. Və bizim fransız klubunun maliyyələşdirilməsini 100 il ərzində həyata keçirmək üçün sağlam ambisiyalarımız mövcuddu. Azərbaycan-Fransa münasibətlərinin indiki səviyyəsini, həmçinin “Lans”ın tarixi əhəmiyyətini nəzərə alaraq, biz ilk növbədə bu klubun maliyyə problemlərini həll etməyə çalışırıq. Təəsüf ki, ayrı-ayrı adamlar bizim üzləşdiyimiz çətinliklərdən öz şəxsi maraqları üçün istifadə etməyə çalışır və mən hər iki ölkə ictimaiyyətini əmin etmək istəyirəm ki, onlar buna görə öz cəzalarını alacaqlar”.


Son 1,6 il Hafiz Məmmədova real həyatı yenidən tanıdıb. Özünün etiraf etdiyi kimi, dostla düşmənin kim olmasını zaman ona əyan edib. Biznes və özəl dünyasında bir-birinin ardınca «qırdıqaçdı»ya məruz qalan iş adamı ötən aylar, uzağa getməyək, ötən həftə belə bir bəyanatla çıxış eləsəydi, inandırıcı görünməz, təəccüblənərdik. Faktiki təklənmiş, maddi bazası susamış, çevrəsini «f5» eləmək zorunluğu ilə üzləşmiş Məmmədovun bütün əmlakının, biznes rıçaqlarının itirmək üzrə olması barədə informasiyaların kütləvi hal alması, «Lans»la yanaşı, «Bakı»nı da itirmək ərəfəsinə çatdığı söyləntilərinin artdığı bugünlərdə bu bəyanat tam başqa mətləblərin xəbərçisidi.


«Mən hər iki ölkə ictimaiyyətini əmin etmək istəyirəm ki, onlar buna görə öz cəzalarını alacaqlar” xəbərdarlığı ilə bitən bəyanatı tanınmış biznesmen-menecerin əks-hücumu kimi qiymətləndirməyək. Biznes sferasında riski hər adam edir. Etmək o demək deyil ki, bu, hamıda eyni cür alınır, uğurun qapısını təkrar aralayır. Hafiz Məmmədovun bəyanatı biznes riskini azaltmaq fikrindən irəli gəlmir. Həddini bilən iş adam ona borclu olanlara açıq mesaj da vermir. Onsuz da, bu mesajları əvvəl də eşitmişik.


Fərq indi ondadı ki, onların buna görə öz cəzəlanacaqlarını əmin edir. İmicinin sürətlə aşağı düşürülməsinə çalışıldığı bu müddətdə soyuq çayını üfürə-üfürə içən şəxs, demək ki, ən böyük «imtahan zalı»nda yaxşı qiymət alıb və önü açıqdı. «Qırmızı işıq»da yolu keçməklə qaydaları pozanların aqibəti hər kəsə bəlidi. Nəhayət, bu gün «yaşıl işıq» yanıbsa, Hafiz Məmmədov niyə də «ağır artilleriya» ilə yüklənmiş bəyanatı verib, bəraət almasını açıqlamasın?

- See more at: http://sportinfo.az/news-31297#sthash.MGdLH4Kz.dpuf