Liqa 1-də 13 həftə geridə qalıb. Dö

Liqa 1-də 13 həftə geridə qalıb. Dörd ilik fasilədən sonra Fransa elitasına dönən «Lans» hazırda 11 xalla turnir cədvəlinin 19-cu piləsində qərarlaşıb. Debütant 3 qələb, 2 heç-heçə əldə etdiyi halda, 8 məğlubiyyətə üzülüb. Təbii ki, «qırmızı-sarılar»ın ilk sezonda özünü göstərməsinə mane olan əsas səbəb maliyyə sıxıntısıdı. Transfer qadağası ilə üzləşən, əvəzində aparıcı üzvlərinin əksəriyyətini itirən və bir sıra başqa məhrumiyyətlərlə barışan komandanı uğursuzluq zolağından çıxarmaq müşkül məsələdi.


Fransa mətbuatının yaxdığına görə, baş məşqçi Antuan Kombuare klubu tərk etməyə hazırlaşır. O, yerli mətbuata açıqlamasında “Nant”a qayıdacağı ilə bağlı suala cavab verib. Onun sözlərinə görə, hər şey mümkündü, sadəcə, zamanı gözləmək lazımdı: “Bu gün mən “Lans”da yam. Sabah harada olacağımı kimsə bilməz. Çünki bu, həyatdır. İndi obyektivlərdə mənəm, amma sabah üçün planlarım yoxdur”.


Futbolçu kimi 1983-1990-cı illər aralığında “Nant”ın heyətində 177 oyuna 4 qol vuran Kombuare “Lans”da qışadək gözləmək fikrindədi. O, bu niyyətini Jerve Martel vasitəsilə klubun azərbaycanlı sahibinə də çatdırıb. Hafiz Məmmədovla görüşməyə cəhd göstərən mütəxəssis hələ ki istəyinə çatmayıb. Ancaq prezident iş adamının adından onu inandırıb ki, getmək ən ağır qərardı, çətin günlər texliklə arxada qalacaq.


Sportinfo.az-ın məlumatına görə, Hafiz Məmmədov onun “Lans” da uzun illər çalışmasında maraqlıdı. Yaxınlarda yeni müqavilə təklif irəli sürəcək. Bu dəfə 3 ilik. Kombuare cari sezonda Liqa 1-də qalmaq vəzifəsinin öhdəsindən gəlməlidi. Gələn il isə şimallılar avrokuboklara vəsiqə uğrunda mübarizə aparmalıdı. Bunun ardınca isə “Lans” çempionluq yarışının içərisində olmalıdı. Əlbətitə, bütün bunlar maliyyəyə bağlıdı. Məmmədov 2015-ci ilin yanvarından klubda işlərin qaydasına düşəcəyi və mövcud problemlərin bir daha yaranmayacağını vəd edib.

- See more at: http://sportinfo.az/news-27827/?n=l#sthash.Qxvb9rje.dpuf