Aldığımız məlumata görə, Kombaure o

Aldığımız məlumata görə, Kombaure onu «Lans»a gətirməsinə baxmayaraq, prezidentlə yola getmir. Baş məşqçi ilə prezidentin arasındakı ixtilaflar 2013-cü ilinpayızından böyüyüb və bugünün özündə də davam edir. Fransada nüfuz qazanmış mütəxəssislərdən olan Kombuare Martelin komandaya barmaqarası yanaşmasından, transferlərə ayrılan büdcəni gizlətməsindən, hər məsələdə Məmmədovun adını çəkməsindən narazıdı. O, klubun yiyəsi ilə görüşməyə dəfələrlə səy göstərib, ancapq bir çox hallarda istəyi boşa çıxıb. Çünki Marte lbu görüşün baş tutmamasından və ortaya çıxacaq faktların əleyhinə işləməsindən narahat olub.


Yəqin ki, artıq bir də belə vəziyyətdən təəssüf hissi ilə söz salmayacağıq. «Lans»sevərlər gözdə-qulaqda olsun, yeni prezidentlə görüşməyə tələssinlər. Proses bu ay yekunlaşacaq. Marteli əvəzləməyə namizədlər…. 3-4 nəfərdi. Birincisi Jan-Pyer Papendi. Dünyaca ünlü canlı əfsanəni H.Məmmədov hələ 1 il öncə «Bakı»ya gətirmək istəyirdi. Müşavir postuna. Papen «Lans»da vitse-prezident olmasını, ailə problemlərini, digər işlərini ona açıqlayandan sonra Azərbaycanda çalışması baş tutmamışdı. Yoxsa ki, hər ayın 15 gününü Bakıda keçirməyə də razı idi. «Lans» isə evinin içidi və klubu yönətməkdə heç bir çətinliklə üzləşməməlidi.


Aldığımız məlumata görə, Kombuare Papenlə işləməkdən məmnundu. Hər halda yeni prezident kim olacaqsa, öncədən ayrılan ikiillik büdcəni bir mövsümün tamamında «əritməz». Alınan və müqaviləsi yenilənən futbolçuların müqavilə haqları sənədlərdə fərqli-fərqli göstərilməz. Ötən yay əldə olunan razılaşmaya əsasən, «Lans» 3 ildən sonra Çempionlar Liqasına vəsiqə uğrunda mübarizə aparmalıdı. Son qalmaqallar klubu çox geriəyə atdı. Düzdü, «qırmızı-sarılar» 4 turun axır ikisində qələbə qazanıb, ancaq çempionatda qalmaq uğrunda mübarizə aparacaq, başqa iddia hazırkı reallıqla uzlaşmır.