SON DƏQİQƏ EKSKLÜZİVİ: Hafiz Məmməd

SON DƏQİQƏ EKSKLÜZİVİ: Hafiz Məmmədov "Lans"dan imtina etdimi?
Tarix: 27.11.14 [17:11] Oxunub: 54 dəfə Yazar: Sportinfo.Az

Dünən məlumat verdiymiz kimi, Fransada səfərdə olan Azərbaycanın gənclər və idman naziri Azad Rəhimov yerli mətbuata danışıb. O, Hafiz Məmmədovun "Lans"la bağlı son aylarda yaşadığı problemlərə qismən aydınlıq gətirib. Nazir fransız həmkarlarımıza bildirib ki, azərbaycanlı iş adamı biznesində problemlərlə üzləşib və hazırda Liqa 1-də çıxış edən kluba maliyyə dəstəyi verə bilmir:


"O, idmanı çox sevir. Bununla yanaşı, Hafiz Məmmədov "Lans"a dəstək olmağa da hazırdı. Amma təəssüf ki, onun həyatında çox şey dəyişib. Bu da əsasən bizneslə əlaqələdi. Müflisləşməyin siyasətlə heç bir əlaqəsi yoxdu. Bu biznes işidi. Onun müflüsləşməsini mən də eşitdim. Ancaq bu barədə geniş məlumatım yoxdu. Sadəcə bilirəm ki, biznesində problemər çıxıb. Bu səbəbdən o, kluba istəsə belə, dəstək ola bilmir. Amma bu məsələ barədə dəqiq məlumatım yoxdu".


Nazirin bu açıqlaması qəribə görünmiəsin. O, rəsmi şəxsdi, hər kəlməsi rəsmi tonajlıdı. Hafiz Məmmədovun maliyyə çətinliyinə uğraması de-fakto təsdiqlənib. Məsələnin de-yure tərəfi Azad Rəhimovdan asılı deyil. GİN rəhbəri yalnız bu halda konkret fikir söyləmək haqqına sahibdi.


Hələlik proseslər lal axır. Çətin günün də bir sabahı var. Nazirin tanınmış biznesmenin son durum barədə müfəssəl bilgisinin olmaması o demək deyil ki, "Lans" Azərbaycan brendindən imtina edəcək. Bu gün Fransada Peşəkar Klublara Nəzarət Komissiyasının (DNCG) növbəti toplantısı keçiriləcək. İclasda Liqa 1 və Liqa 2-də iştirak edən klubların rüblük maliyyə hesablatları incələnəcək. Olduqca əhəmiyyətli qərarların verilməsi gjözlənilir.


Məlum olduğu kimi, DNCG "Lans"dan yayda 4 milyonluq büdcə kəsirini bağlamağı tələb etmişdi. H.Məmmədova həmin vəsaiti ödləmək üçün sentyabrın 1-dək vaxt verilmişdi. Pul o tarixədək hesaba köçürülmədiyindən, qurum elitanın debütantına transfer qadağısı tətbiq elədi. 1,5 milyon avronu ayyarım sonra göndərən ünlü iş adamı qalan borcu bugünlərdə bağladı.


Həm qəribə, həm də maraqlı haldı ki, bundan mətbuat yazmır. Hərçənd klubun prezidenti Jerve Martel faktı təsdiqləyərək bildirib ki, 2,5 milyon avro artıq bank hesabındadı. DNCG "Lans"ın maliyyə hesabatında ciddi nöqsan aşkarlamasa, transfer qadağasını qaldıracaq. Hazırda düşərgədə 3 yeni futbolçu var ki, onlarla müqavilələrin rəsmiləşdirilməsi və adlarının iştirak ərizəsinə salınması qurumun icazəsinə bağlıdı.


"Lans"ın yeni ildən sonra Liqa 1-də çıxışını davam etdirməsi bu gün məlum olmalıdı. Məmmədov fevraladək daha 14 milyon avro verməlidi ki, DNCG növbəti sanksiyalar paketi ilə sahibi olduğu klubu hədələməsin. Sportinfo.az-ın son dəqiqə məlumatına görə, azərbaycanlı patron "Lans" müflis olmaq həddindən uzaqlaşıb. O, indilər Bakıda az olur. Əsasən London və Dubayda işlərini qaldığı yerdən davam etdirir. Bütün şayiələrə baxmayaraq, "Lans" ən pis halda gələn ilin yayınadək "Land of fire Azerbaijan" brendi ilə Fransa publikaı önünə çıxacaq.

- See more at: http://sportinfo.az/news-28808#sthash.01ppX0ZT.dpuf